ევროპის ჩემპიონატს ისევ ოთხი ქვეყანა უმასპინძლებს. 2015 წლის ევრობასკეტის მსგავსად, 2017 წლის კონტინენტის პირველობასაც კვარტეტი უმასპინძლებს. ჩემპიონატის 4 ჯგუფი შემდეგ ქვეყნებში ჩატარდება – ფინეთი, ისრაელი, რუმინეთი და თურქეთი. ჯგუფებიდან გასული გუნდები თურქეთში შეიკრიბებიან და ტიტულისთვის გადამწყვეტი ბრძოლები სტამბოლში ჩატარდება.
ევრობასკეტის ფინალი სინან ერდემ არენაზე,სტამბოლში გაიმართება
ევროპის ჩემპიონატზე ასპარეზობის უფლებას გასული პირველობის საუკეთესო 7 გუნდი ფლობს, რომლებსაც ახლა ეს 4 ქვეყანაც დაემატა. შესაბამისად, 2017 წლის ევრობასკეტზე გამსვლელი გუნდების რაოდენობა 13 ადგილამდე შეიკვეცა. საქართველოს, ისევე როგორც დანარჩენ ქვეყნებს 2016 წლის აგვისტოში მოუწევს მომავალი ევროპის ჩემპიონატზე მოსახვედრი ადგილებისთვის ბრძოლა.
შესარჩევ ტურნირზე ჩვენი მეტოქეები მომავალი წლის 22 იანვარს, კენჭისყრის შედეგად გაირკვევა.
