გიორგი შარაბიძის 12 ქულა და მორიგი გამარჯვება მაკედონიაში

მაკედოდონიის ჩემპიონატის ლიდერმა “ფენი ინდუსტრისმა”, ვის ღირსებასაც გიორგი შარაბიძე იცავს, მორიგი მაგამჯვება მოიპოვა. ქართველი ლეგიონერის გუნდმა ერთ-ერთ აუტსაიდერ “კუმანოვოს” უმასპინძლა და 8 ქულით – 72:64 იმარჯვა.
შარაბიძე სათადარიგო იყო და მოედანზე 17 წუთით გამოჩნდა. ეს დრო გიორგიმ საკმაოდ პროდუქტიულად გამოიყენა და 8 მცდელობიდან 6 ორქულიანი ჩააგდო. 12 ქულას ქართველმა ცენტრმა 3 მოხსნა და 1 ჩაჭრა მიამატა, ბურთი კი ერთხელ დაკარგა. შარაბიძის სარგებლიანობის ინდექსმა 15 შეადგინა და ამ მაჩვენებლით ის თანაგუნდელთაგან მხოლოდ კირილ ნიკოლოვსკის (24) ჩამორჩა.
5 ტურის შემდეგ “ფენი ინდუსტრისი” მაკედონიის ჩემპიონატს “რაბოტნიჩკისთან” ერთად დაუმარცხებლად ლიდერობს.