გიორგი ცინცაძემ 16 ქულით ბუდიველნიკი მარცხისგან ვერ იხსნა

უკრაინის ჩემპიონატის ლიდერმა, გიორგი ცინცაძის „ბუდიველნიკმა“ მოულოდნელი მარცხი განიცადა. კიეველებმა ცხრილში მე-11 ადგილზე მყოფ „ოდესას“ უმასპინძლეს და ყველასთვის მოულოდნელად 85:87 დამარცხდნენ.
 
კიეველთაგან ერთ-ერთი საუკეთესო ქართველი ფორვარდი იყო. გიორგი ცინცაძემ სასტარტო ხუთეულში ითამაა და მოედანზე გადატებულ 25,14 წუთში 16 ქულა, 4 პასი და 2 მოხსნა მოაგროვა. გიორგიმ 4-დან 4-ივე ორქულიანი, 4-დან 1 სამიანი და 8-დან 5 საჯარიმო ჩააგდო.
 
ქართველი გამთამაშებლის მარგი ქმედების კოეფიციენტმა 14 ერთეული შეადგინა, რაც კიეველთა შორის მეორე მაჩვენებელი იყო მალკოლმ დილეინის 29 ერთეულის შემდეგ. ამ უკანასკნელმა 36 წუთში 23 ქულა და 6 მოხსნა მოაგროვა.
 
წაგების მიუხედავად „ბუდიველნიკი“ პირველ ადგილზე რჩება. მომდევნო ტურში, 8 მარტს,  კიეველები მეორე ადგილზე მყოფ „აზოვმაშს“ უმასპინძლებენ.