ბალტიის ლიგაში მორიგი მატჩი გამართა გიორგი ცინცაძის „ტარტუ როკმა“. ესტონეთის ჩემპიონმა წინა მატჩში „პანევეჟისთან“ დამარხცხების შემდეგ რეაბილიტაცია მოახერხა და შედარებით ძლიერ გუნდს, ლიტვურ „შაულიაის“ 77:65 მოუგო.
ტარტუელებმა თამაშის ბედი თითქმის პირველსავე ტაიმში გადაწყვიტეს. ცინცაძის გუნდმა საწყისი მეოთხედი 19:13 მოიგო, ხოლო დიდი შესვენებისთვის 18 ქულით ლიდერობდა. მასპინძელთა ქართველი გამთამაშებელი ხუთეულში არ ყოფილა, თუმცა მოედანზე მატჩის დაწყებიდან მალევე გამოჩნდა და მოედანზე 24,39 წუთი გაატარა. ცინცაძემ 4 ორქულიანიდან 1 ჩააგდო, თუმცა დანარჩენი დისტანციებიდან იჩუბინა და 11 ქულა მოაგროვა. გიორგიმ 3–დან 2 სამქულიანი და 4–დან 3 საჯარიმო მიითვალა. ამასთან ერთად ცინცაძეს 3 მოხსნა და 1 პასი დაუგროვდა.
„როკს“ 4 მატჩიდან 2 გამარჯვება აქვს და ბალტიის 12–გუნდიან ლიგაში მე–4 ადგილზე იმყოფება. მორიგ მატჩს ტარტუელები 23 ოქტომბერს, შინ ლატვიურ „ვენტსპილსთან“ გამართავენ.
