14–დან 25 ივლისამდე საქართველოს 20–წლამდელთა ნაკრები ავსტრიაში გასამართ ევროპის ჩემპიონატში (B დივიზიონი) მიიღებს მონაწილეობას. მიხეილ ბერუაშვილის გუნდის მეტოქეები ჯგუფურ ეტაპზე იქნებიან უნგრეთი, ისრაელი და შედეთი. ჩვენი 20–წლამდელები 7 ივნისს შეიკრიბნენ და საკალათბურთო აკადემიის დარბაზში ემზადებიან. დღეს ნაკრების თავკაც მიხეილ ბერუაშვილს გავესაუბრეთ.
– 7 ივნისიდან შეკრებილები ვართ, ხოლო 14 ივნისიდან მოყოლებული დღეში ორჯერ ვვარჯიშობთ. ჯერჯერობით გაფართოებული შემადგენლობით ვვარჯიშობთ, ხოლო ივლისის დასაწყისში იმ 12 მოთამაშეს დავასახელებთ, რომლითაც ევროპის ჩემპიონატზე გავემგზავრებით.
– ყველა მოთამაშე თქვენს განკარგულებაშია, ვინც გამოიძახეთ?
– ჯერჯერობით არ ჩამოსულა გიორგი შარაბიძე, რომელმაც გასული სეზონი ესპანეთში გაატარა. ის დღე–დღეზე ჩვენთან იქნება.
– ესპანეთში მოთამაშე თორნიკე შენგელია ეროვნულ ნაკრებშია გამოძახებული და საინტერესოა, 20–წლამდელებშიც ითამაშებს თუ არა…
– შენგელია ჩვენთან ვარჯიშობს და ავსტრიაშიც ჩვენთან ერთად წამოვა. ჯერჯერობით მხოლოდ ისაა ცნობილი, რომ ის ჯგუფური ეტაპის სამ მატჩში (14, 16, 18 ივლისი) დაგვეხმარება, მერე კი, სავარაუდოდ, ეროვნულ ნაკრებს შეუერთდება. მოგეხსენებათ, 1 ივლისიდან ეროვნული ნაკრებიც ავსტრიაში იქნება და 20–ში საქართველოში, ოთხთა საერთაშორისო ტურნირში სათამაშოდ დაბრუნდება. იგეგმება, რომ შენგელია სწორედ დიდ ნაკრებს გამოჰყვება სამშობლოში, ხოლო დარჩენილ მატჩებს 20–წლამდელთა ნაკრები მის გარეშე ჩაატარებს.
– ავსტრიაში გამგზავრებამდე საკონტროლო მატჩებს თუ გეგმავთ?
– დაგეგმილია თურქეთის ქალაქ სტამბოლში გამგზავრება და იქ სპარინგ–მატჩების გამართვა. ახლახან შევიტყვეთ, რომ თბილისში ჩამოსვლას აზერბაიჯანული გუნდი აპირებს და შესაძლოა, მათთანაც ვითამაშოთ, თუმცა ეს პერსპექტივა ჯერ ბუნდოვანია.
– 18–წლამდელთა ნაკრებს ტანმაღალი მოთამაშეები აკლია. თქვენ ხომ არ განიცდით ანალოგიურ პრობლემას?
– არა, ჩვენთან კონკურენცია საკმაოდ მაღალია. სულ 16 კანდიდატია და ეს ბიჭები ყველა სათამაშო რგოლზე თითქმის თანაბრად არიან გადანაწილებულნი. ძირითად 12 კალათბურთელში ადგილს ღირსეულები დაიმსახურებენ. შემადგენლობას თურქეთში გამგზავრებამდე, ივლისის დასაწყისში დავასახელებთ.
– მეტოქეებზე რას იტყვით?
– შვედეთი შარშანაც ჩვენს ჯგუფში იმყოფებოდა და მათ მოვუგეთ კიდეც. რაკი ასაკობრივ ნაკრებებში შემადგენლობა სისტემატიურად იცვლება, ძნელია რაიმე კონკრეტული დასკვნების გაკეთება. ჩვენთვის ყველა მეტოქე ძლიერია და ნებისმიერთან საბრძოლველად სრული მობილიზებით ვემზადებით.
სახელი, გვარი
დაბად.თარიღი
სიმაღლე
გუნდი
ბექა ჩიკვილაძე
12.02.1991
195
ალბასეტე (ესპანეთი)
იოსებ ლეჟავა
31.05.1991
186
სამედიცინო
ლევან ხმელიძე
15.05.1991
195
ენერჯი–ინვესტი
აკაკი დვალიშვილი
14.02.1991
206
ენერჯი–ინვესტი
ტარიელ თავართქილაძე
16.02.1991
193
ბათუმი
ზურაბ მაჭავარიანი
22.05.1990
190
ენერჯი–ინვესტი
გივი ბაქრაძე
26.05.1991
185
კორიკო (ფინეთი)
გიგა კვეტენაძე
16.01.1990
200
სოხუმი
რევაზ ჩაჩანიძე
31.07.1990
185
ენერჯი–ინვესტი
გიორგი ნანიტაშვილი
12.04.1990
186
დინამო
აკაკი ლომოური
17.01.1991
196
სამედიცინო
გიორგი რევაზაშვილი
24.01.1991
209
მაკაბი
ბექა ბექაური
18.01.1991
208
სამედიცინო
თორნიკე შენგელია
05.10.1991
207
ვალენსია (ესპანეთი)
გიორგი შარაბიძე
27.04.1990
210
ვალენსია (ესპანეთი)
გიორგი ყიფიანი
