Junior NBA at Home – ეს გახლავთ ახალი პროგრამა, რომელიც გლობალური კამპანიის – NBA Together-ის ფარგლებში ხორციელდება და განკუთვნილია ჯუნიორ ნბა-ს მონაწილე მოზარდებისთვის ევროპაში და ახლო აღმოსავლეთში. პროგრამა ხელმისაწვდომია მობაილ აპლიკაცია OWQLO-ზე როგორც ანდროიდის, ისე IOS-ის მომხმარებლებისთვის.
Junior NBA at Home არის 30-დღიანი ვარჯიშების სერია, რომელიც განკუთვნილია სახლის შეზღუდული სივრცის პირობებში სავარჯიშოდ და მას უძღვებიან ცნობილი ფიტნეს-ინსტრუქტორები და მწვრთნელები – ნატალი ჰიგბი და კრისტიან პლასჩენცია. პროგრამა მის მომხმარებლებს ყოველდღიურად შესთავაზებს ვარჯიშების სრულ სერიას: გახურების ვარჯიშებს, დრილს, რთულ ვარჯიშებს და სუნთქვით ტექნიკას ვარჯიშის შემდეგ.
აპლიკაციის მეშვეობით მომხმარებლებს ვარჯიშებს პერიოდულად ნბა-სა და ქალთა ნბა-ს ყოფილი და მოქმედი მოთამაშეები, ასევე ჯუნიორ ნბა-ს მწვრთნელები შესთავაზებენ. სავარჯიშო ვიდეოები ხელმისაწვდომი იქნება ასევე ჯუნიორ ნბა-ს Facebook, Twitter და Instagram გვერდებზე.
OWQLO-ს აპლიკაცია ხელმისაწვდომია წარმოდგენილ ბმულზე: www.owqlo.com
