მაიკლ დიქსონმა “ლეფკადასთან” მოგებულ მატჩში 13 ქულა მოაგროვა

მაიკლ დიქსონის აეკ-მა საბერძნეთის ჩემპიონატის მორიგ ტურში დამაჯერებელი გამარჯვება მოიპოვა. საქართველოს ნაკრების ნატურალიზებული ამერიკელი ლეგიონერის გუნდმა „დოხა ლეფკადასს“ უმასპინძლა და 84:60 გაანადგურა.
დიქსონი სასტარტო ხუთეულში იყო და მოედანზე გატარებულ 25 წუთში 13 ქულა, 3 მოხსნა და 2 პასი მოაგროვა. მაიკლმა 5-დან 3 ორქულიანი, 5-დან 2 სამიანი და 2-დან 1 საჯარიმო ჩააგდო. ათენელთაგან 16 ქულით ბომბარდირი დუშაბ საკოტა გახდა.
9 მოგებითა და 2 მარცხით აეკ-ი საბერძნეთის ჩემპიონატში მე-3 ადგილზეა. პირველია 10-დან 0 მოგების მქონე „ოლიმპიაკოსი“, ხოლო „პანათინაიკოსს“ 9 მოგება და 1 მარცხი აქვს. მომდევნო ტურის მატჩს ათენელები 26 დეკემბერს, სტუმრად „კოლოსოსთან“ გამართავენ.