მაკფადენის 12 ქულა და მარცხი “ვალენსიასთან”

თად მაკფადენმა “ხუვენტუდის” მაისურით მეორე მატჩი გამართა. ესპანეთის ჩემპიონატის 24-ე ტურში საქართველოს ნაკრების უკანახაზელის გუნდი სტუმრად “ვალენსიას” შეხვდა და 80:93 დამარცხდა. 

მაკფადენი სასტარტო ხუთეულში არ ყოფილა, მოედანზე კი 23:23 წუთით გამოჩნდა. თადმა 3-დან 3 ორქულიანი და 6-დან 2 სამიანი ჩააგდო. მის ანგარიშზე 12 ქულა, 3 პასი და 2 ჩაჭრა დაგროვდა. შედეგიანობით ის თავის გუნდში მარკო ტოდოროვიჩს და ნიკოლას ლაპროვიტოლას ჩამორჩა.

14 მოგებითა და 10 მარცხით “ხუვენტუდი” ცხრილში მე-6 ადგილზეა, ხოლო შემდეგ მატჩს შინ 20 მარტს, ერთ-ერთ აუტსაიდერ “ბრეგანთან” გამართავს.