მაკფადენმა ბარსელონასთან წაგებულ მატჩში 14 ქულა მოაგროვა

საქართველოს ეროვნული ნაკრების ნატურალიზებულმა წევრმა თად მაკფადენმა “ბარსელონას” პირველ ტაიმში 14 ქულა ჩაუგდო, თუმცა მისი “ტენერიფე იბეროსტარი” ესპანეთის ჩემპიონატის ლიდერთან მაინც დამარცხდა – 73:77.

მეორე ნახევარში მაკფადენმა ბურთი ვეღარ ჩააგდო და შეხვედრა 14 ქულით დაასრულა. სასტარტო ხუთეულში მყოფმა ამერიკელმა უკანახაზელმა 31 წუთი ითამაშა და 2-დან 1 ორქულიანი და 11-დან 4 სამიანი ჩააგდო. 14 ქულასთან ერთად მაკფადენს 5 პასი, 2 ჩაჭრა და 1 მოხსნა ჰქონდა. 

6 მოგებითა და 5 მარცხით “იბეროსტარი” ცხრილში მე-5 ადგილზეა და შემდეგ ტურში, 15 დეკემბერს, თორნიკე შენგელიას “ბასკონიას” უმასპინძლებს.