მანუჩარ მარკოიშვილი თურქეთის ჩემპიონატის ფინალშია

მანუჩარ მარკოიშვილის „გალათასარაი“ თურქეთის ჩემპიონატის ფინალშია. სტამბოლურმა გუნდმა 2 შინაური გამარჯვების შემდეგ სტუმრად ნახევარფინალური სერიის მესამე შეხვედრაც მოუგო „ქარშიაქას“ და საჩემპიონო სერიაში ნაადრევად გავიდა.
 
იზმირელებმა „გალათასარაის“ დიდი წინააღმდეგობა გაუწიეს. მატჩის ბედი ბოლო წუთებზე, სტუმრათა სასარგებლოდ გადაწყდა და სტსამბოლელებმა 79:77 გაიმარჯვეს. მარკოიშვილმა 20,14 წუთი ითამაშა და შედარებით მოკრძალებული იყო. ქართველმა უკანახაზელმა 3-დან 1 სამქულიანი ჩააგდო და მისი მონაგარიც ეს გახლდათ. 3 ქულასთან ერთად მანუჩარმა 3 მოხსნაც მიითვალა. სტამბოლელთაგან 23 ქულით და 9 მოხსნით საუკეთესო ბონიფაც ნდონგი იყო.
 
„გალათასარაი“ ფინალშია და მეტოქეს ელოდება. მეორე ნახევარფინალურ სერიაში, რომელშიც ანგარიში ჯერ 1:1-ია, „ეფესი“ და „ბანვითი“ ხვდებიან.