მანუჩარ მარკოიშვილი ტრავმის გამო მოედანს 3 თვით ჩამოშორდა

საქართველოს ნაკრებისა და თურქულის “გალათასარაის” უკანახაზელი, მანუჩარ მარკოიშვილი დაშავდა, რის გამოც, სავარაუდოდ, 3 თვე ვერ ითამაშებს. ეს ინფორმაცია თურქულ პრესაში გავრცელდა.
მარკოიშვილმა ვარჯიშზე ფეხის მყესის დაზიანება მიიღო და წინასწარი ვარაუდით, მის რეაბილიტაციას 3 თვე დასჭირდება. სტამბოლური კლუბისთვის ეს მეორე სერიოზული დანაკლისია. 1 კვირის წინ “გალათასარაის” ნეით ჯავაი გამოაკლდა და მისი შემცვლელი თურქულმა გრანდმა უკვე იპოვა – პოპს მენსა ბონსუ. მიიყვანენ თუ არა გუნდში მარკოიშვილის შემცვლელს, ეს მალე გამოჩნდება.