მარკოიშვილი ევროლიგას 8 ქულით და ლოკომოტივთან გამარჯვებით ემშვიდობება

ევროპის უძლიერეს საკლუბო ტურნირს ემშვიდობება მანუჩარ მარკოიშვილი, ვისმა დარუშაფაკამაც პლეი ოფში ჯგუფის მეორე ადგილიდან გასული ლოკომოტივი შინ ერთქულიანი სხვაობით – 87:86 დაამარცხა. ქართველმა ფორვარდმა შედეგიანად ითამაშა და გამარჯვებაში მნიშვნელოვანი წვლილი დაიდო. სტამბოლელები პირველად მატჩის ბოლო პერიოდში მარკოიშვილის ორქულიანით დაწინაურდნენ – 68:66. ძალიან დროილი იყო მანუჩარის სამქულიანი, რის შემდეგაც დარუშაფაკა 74:73 დაწინაურდა.
მთლიანობაში მარკოიშვილმა 12:36 წუთი ითამაშა და სროლათა ასპროცენტიანი მაჩვენებელი ჰქონდა. მან 1 ორქულიანი და 2 სამიანი ჩააგდო და მოგროვებულ 8 ქულას 1 პასიც მოაყოლა. გამარჯვებულთაგან 15 ქულით ბომბარდირი გახდა ამერიკელი ლიუკ ჰარანგოდი, 12 ქულა რეჯი რედინგის ანგარიშზეა.