მარკოიშვილი ევროლიგის ტურის სიმბოლურ ხუთეულში

მანუჩარ მარკოიშვილი ევროლიგის სიმბოლურ ხუთეულში მოხვდა. გასულ ტურში ქართველმა უკანახაზელმა თელ ავივში „მაკაბის“ 22 ქულა ჩაუგდო და თავის „დარუშაფაკას“ გამარჯვებაში დიდი დახმარება გაუწია. მანუჩარმა 30:51 წუთში 22 ქულა, 3 მოხსნა და 2 პასი მოაგროვა. მანუმ 5-დან 4 ორქულიანი, 7-დან 3 სამქულიანი და 8-დან 5 საჯარიმო ჩააგდო.
მარკოიშვილის გარდა, სიმბოლურ ხუთეულში ედვინ ჯეკსონი (“უნიკახა”), სტეფან იოვიჩი (“ცრვენა ზვეზდა”), ლუის კემპბელი (“სტრასბურგი”) და ნობელ ბუნგო-კოლოც (“ლიმოჟი”) მოხვდნენ.
მომდევნო მატჩს მარკოიშვილი იტალიაში „დინამო სასარის“ წინააღმდეგ გამართავს.