მარკოიშვილი თურქეთის თასის ნახევარფინალში გავიდა

თანაქალაქელი „ეფესის“ დამარცხების შემდეგ მანუჩარ მარკოიშვილის „გალათასარაი“ თურქეთის თასის გათამაშების ნახევარფინალში გავიდა. მატჩი საკმაოდ და დაძაბული და საინტერესო გამოდგა, რომელიც „გალას“ გამარჯვებით – 72:64 დასრულდა.
 
სტამბოლელებმა გამარჯვებას ქართველი უკანახაზელის დაუხმარებლად მიაღწიეს. მარკოიშვილი ოედანზე მხოლოდ 4,31 წუთით გამოჩნდა და ვერც ერთი სტატისტიკური ერთეული ვერ მოიხვეჭა. მანუჩარმა ერთადერთხელ შეუტია „ეფესის“ ფარს, მაგრამ ორქულიანი სროლა არაზუსტი აღმოჩნდა.
 

 
ნახევარფინალში „გალათასარაი“ „ბანვითს“ შეხვდება, რომელმაც დღესვე მეოთხედფინალში „ჰაჩტეპე“ 77:63 დაამარცხა. მარკოიშვილის გუნდისა და „ბანვითის“ ნახევარფინალური დაპირისპირება 8 თებერვლალს გაიმართება. მეორე ნახევარფინალში ერთმანეთს „ბეშიქთაში“ და „ფენერბაჰჩე“ შეხვდებიან.