მანუჩარ მარკოიშვილის შედეგიანი მატჩი თურქეთის ჩემპიონატში. „დარუთაფაკას“ ქართველმა უკანახაზელმა მორიგი ტურის მატჩში სტუმრად „ბუიუქჩეკმეჩეს“ 13 ქულა ჩაუგდო და თავისი გუნდის წარმატებაში მნიშვნელოვანი წილი დაიდო. სტამბოლელებმა 70:63 იმარჯვეს და დაკარგული ქულებით ცხრილში მე-4 ადგიზე გადაინაცვლეს.
მარკოიშვილმა 22:20 წუთი ითამაშა და სტამბოლელთაგან ერთ-ერთი საუკეთესო იყო. ქართველმა ლეგიონერმა 4-დან 3 სამქულიანი და 6-დან 4 საჯარიმო ჩააგდო, რითაც თავი 13 ქულას მოუყარა. ამასთან ერთად მანუჩარს 3 მოხსნა და 1 პასი დაუგროვდა. მარკოიშვილის მსგავსად 13-13 ქულა მოიპოვეს დარუშაფაკელთა წამყვანმა მოთამაშეებმა – სემიჰ ერდენმა და სკოტ ვილბეკინმა.
16 მოგებითა და 9 მარცხით დარუშაფაკა მე-5 ადგილზეა, თუმც 1 მატჩით და 1 ქულით ნაკლები აქვს წინ მყოფსა და მეოთხეადგილოსან „ბანვითზე“. მომდევნო მატჩს მარკოიშვილის გუნდი 11 აპრილს, შინ „ქარშუაქასთან“ გამართავს.
