მარკოიშვილის 5 ქულა და გამარჯვება თურქეთის ჩემპიონატში

მანუჩარ მარკოიშვილის „დარუაფაკამ“ თურქეთის ჩემპიონატის მე-5 ტურის მატჩი „იეშილგირესუნთან“ 88:79 მოიგო, რაშიც თავისი წვლილი ქართველმა ლეგიონერმაც შეიტანა.
საქართველოს ეროვნული ნაკრების უკანახაზელი სასტარტო ხუთეულში არ ყოფილა, თუმცა მოედანზე 20 წუთი იმყოფებოდა და თავი 5 ქულას, 2 პასს, 1 მოხსნას და 1 ჩაჭრას მოუყარა. მარკოიშვილმა 2-დან 1 ორქულიანი და 4-დან 1 სამიანი ჩააგდო. გამარჯვებულთაგან საუკეთესო იყო ნბა გამოვლილი ლიუკ ჰარანგოდი, რომელმაც 24 ქულა და 15 მოხსნა მიითვალა.
მომდევნო მატჩს „დარუშაფაკა“ 15 ნოემბერს სტუმრად „კონიასთან“ გამართავს.