საქართველოს ეროვნული ნაკრების წევრმა, მანუჩარ მარკოიშვილმა, რომელიც სტამბოლის „დარუშაფაკას“ ღირსებას იცავს, თურქეთის ჩემპიონატის მორიგ ტურში მარცხი განიცადა. ქართველი უკანახაზელის გუნდი სტამბოლურ დერბიში „ბეშიქთაშთან“ 74:80 წააგო.
დარუშაფაკელებმა პირველი მეოთხედი 22:17 მოიგეს, თუმცა შემდეგ ყველა მომდევნო პერიოდი დათმეს და წასაგებად გაიწირნენ. ქართველი უკანახაზელი სასტარტო ხუთეულში იყო და მოედანზე 21:14 წუთი გაატარა. მანუჩარმა 50დან 3 სამქულიანი ჩააგდო, 2 ორიანი კი ააცილა. ქართველი ლეგიონერის ანგარიშზე მთლიანობაში 9 ქულა, 3 მოხსნა და 1 პასი დაგროვდა. მანუჩარზე მეტი დარუშაფაკელთაგან მხოლოდ ლიუკ ჰარანგოდიმ მიითვალა, რომლის მონაგარმაც 16-ს უწია.
17 მოგებისა და 9 წაგების მქონე „დარუშაფაკა“ ცხრილში მე-4 ადგილს ინარჩუნებს. მომდევნო მატჩი მარკოიშვილის გუნდს 24 აპრილს, შინ „ტურკ ტელეკომთან“ ელის.
