მარკოიშვილის “დარუშაფაკამ” “ისთანბულს” მოუგო

თურქეთის ჩემპიონატის 28-ე ტურში მანუჩარ მარკოიშვილის „დარუშაფაკამ“ სტუმრად „ისთანბული“ დაამარცხა. დარუშაფაკელებმა მესამე პერიოდში გატეხეს თანაქალაქელები, თუმცა ბოლო წუთებამდე ბრძოლა გაგრძელდა, რომელიც მარკოიშვილის გუნდმა 3 ქულის სხვაობით – 87:84 მოიგო.
ქართველი უკანახაზელი მოედანზე მხოლოდ 14:22 წუთით გამოჩნდა და 2 ქულას დასჯერდა. მანუჩარმა 2-დან 1 ორქულიანი ჩააგდო, 3 სამიანი კი ააცილა. 2 ქულასთან ერთად მარკოიშვილს 2 მოხსნა ჰქონდა. საუკეთესო კი 20 ქულის მომხვეჭი სკოტი უილბეკინი გახლდათ. 18 ქულა ლიუკ ჰარანგოდიმ მიითვალა, 13 – სემიჰ ერდენმა.
19 მოგებითა და 9 წაგებით „დარუშაფაკა“ მე-3 ადგილზეა, თუმცა მეოთხეზე მყოფ „გალათასარაის“ აქტივში 2 მატჩით და 3 ქულით ნაკლები აქვს. მომდევნო მატჩი მარკოიშვილის გუნდს 5 მაისს, შინ „ტრაბზონსფორთან“ ელის.