მარკოიშვილის დარუშაფაკამ ცრვენა ზვეზდას ბელგრადში მოუგო

მანუჩარ მარკოიშვილის “დარუშაფაკამ” ევროლიგის მეორე ეტაპზე მეოთხე გამარჯვება მოიპოვა. სტამბოლელებმა ცხრილის ზედა ოთხეულში მყოფ “ცრვენა ზვეზდას” მისსავე მოედანზე 80:61 აჯობეს.
მანუჩარმა გამარჯვებაში 5-ქულიანი წვლილი შეიტანა. მან 20 წუთში 4 ორქულიანი, 2 სამიანი სტყორცნა და თითო ჩააგდო. 5 ქულის გარდა მის ანგარიშზე თითო ჩაჭრა-პასი დაფიქსირდა. მართალია, დარუშაფაკელებს პლეი ოფში გასვლის შანსი დაკარგული აქვთ, მაგრამ 18 ათასზე მეტი ქომაგის თვალწინ პლეი ოფში გასასვლელად გამზადებულ „ცრვენა ზვეზდას“ მაინც მოუგეს.
რომ გაემარჯვა, ბელგრადული გუნდი არსებობის ისტორიაში პირველად გავიდოდა ევროლიგის პლეი ოფში, მაგრამ ეს ვერ მოახერხა და ახლა ბოლო ტურში ზაგრებში გამარჯვების იმედადაა.