მეტრეველის 2 ქულა და მარცხი მილანში

წარუმატებელი გამოდგა იტალიის ჩემპიონატის მორიგი ტური ნიკა მეტრეველის „კაპო ბეტალანდ დ’ორლანდოსთვის“. მეტრეველი გუნდი მილანში „ემპორიო არმანის“ შეხვდა და უიმედოდ დამარცხდა – 57:84.
არც ქართველი ფორვარდი ყოფილა გამორჩეული. მეტრეველს მხოლოდ 3 სათამაშო წუთი მიეცა, რის განმავლობაშიც მან 2 ქულა მოაგროვა და ბურთი ერთხელ დაკარგა. 4 მოგებით და 7 მარცხით „დ’ორლანდო“ მე-13 ადგილზე დაეშვა.
მომდევნო შეხვედრას მეტრეველის გუნდი 20 დეკემბერს, შინ „პესაროსთან“ გამართავს.