მეტრეველის 6 ქულა და ბრძოლაში გამარჯვება “ტორინოსთან”

ნიკა მეტრეველის მორიგი წარმატებული მატჩი იტალიის სერია „ა“-ში. „ბეტალენდ კაპო დ’ორლანდომ“, რომლის ღირსებასაც ქართველი ლეგიონერი იცავს, დაძაბულ ბრძოლაში „ტორინო“ 71:69 დაამარცხა და მოგებ-წაგებები (4-4) გაითანაბრა.

მეტრეველი თამაშში სათადარიგოთა სკამიდან ჩაერთო და მოედანზე 24 წუთი გაატარა. ნიკამ 5-დან 3 ორქულიანი ჩააგდო და 6 ქულასთან ერთად 3 მოხსნა, 2 პასი და 2 ჩაჭრა მოაგროვა. ქართველმა ცენტრმა 4 პერსონალური მიიღო და ბურთი 2-ჯერ დაკარგა. გამარჯვებულთაგან 18 ქულით საუკეთესო იყო სიმას იასაიტისი იყო, ალექს ორიახის ანგარიშზე კი 15 ქულა დაგროვდა.
მეტრეველის გუნდი 4-4 მოგებ-წაგებით მე-10 ადგილზეა. იტალიის ჩემპიონატის მორიგ, მე-9 ტურში „ბეტალენდ კაპო დ’ორლანდო“ „დინამო სასარის“ 30 ნოემბერს უმასპინძლებს.