მიხეილ ბერიშვილმა იტალიურ “ვენეციას” 12 ქულა ჩაუგდო

საქართველოს ეროვნული ნაკრების წევრმა, მიხეილ ბერიშვილმა, რომელიც სლოვენიური „ზლატოროგის“ ღირსებას იცავს, იტალიური სერია „ა“-ს გუნდის წინააღმდეგ შედეგიანად ითამაშა. ლაშკოური გუნდი შეკრებაზე იტალიაში იმყოფება და ამ ყვეყნის ერთ-ერთ მოწინავე გუნდს „ვენეციასთან“ ამხანაგური მატჩი გამართა.
შეხვედრა მსპინძელთა გამარჯვებით – 90:83 დასრულდა. მატჩის ბედი მესამე მეოთხედში გადაწყდა,რომელიც ვენეციელებმა 32:16 მოიგეს და ბოლო პერიოდის დაწყებამდე 77:55 დაწინაურდნენ.
ქართველმა ლეგიონერმა 12 ქულა მოაგროვა და ლაშკოელთაგან მხოლოდ ზაგორაცს (25 ქულა) და ლაპორნიკს (23) ჩამორჩა. „ზლატოროგი“ იტალიაში კიდევ ერთ ამხანაგურ მატჩს გამართავს და ლაშკოში დაბრუნდება.

მიხეილ ბერიშივილი დაცვაში, საკუთარი ფარის ქვეშ დგას