ნიკა მეტრეველის პირველი გამარჯვება “კაზერტაში”

ნიკა მეტრეველის პირველი გამარჯვება „კაზერტას“ მაისურით. ქართველმა ფორვარდმა იტალიის სერია „ა“-ში გუნდი გამოიცვალა და „პასტა რეჯია კაზერტას“ შემადგენლობაში დღეს მეორედ ითამაშა. კაზერტელები სტუმრად მთელი თამაშის განმავლობაში აგებდნენ „ტორინოსთან“, ერთხანს 15 ქულითაც, თუმცა ბოლო პერიოდში დიდი ბრძოლისუნარიანობა გამოავლინეს და 10-წუთეულის 26:13 მოგების შემდეგ 87:83 იმარჯვეს.
სამწუხაროდ, მხოლოდ 6 წუთით გამოჩნდა მოედანზე ქართველი ფორვარდი. მეტრეველმა ამ მოკლე დროში 3-ჯერ შეუტია საშუალო მანძილიდან, თუმცა ვერც ერთი ვერ ჩააგდო და შეხვედრა ერთადერთი მოხსნით დაასრულა. 21-21 ქულით გამარჯვებულთაგან მიკა დაუნსი და ვიქტორ გაგეიდფორსი გამოირჩნენ.
7 მოგებითა და 10 მარცხით მეტრეველის გუნდი მე-11 ადგილზეა და შემდეგი მატჩი შინ, 31 იანვარს, „ვანოლისთან“ ელის.