ოლღა ახსანოვა: სანიკიძეს რეაბილიტაცია 2 თვით გაუგრძელდება

სამწუხარო ინფორმაცია მოვიდა ყაზანიდან. საქართველოს ეროვნული ნაკრებისა და რუსული უნიკსის ფორვარდი ვიქტორ სანიკიძე ფორვარდი კიდევ 2 თვე ვერ ივარჯიშებს. კომენტარს ყაზანური კლუბის ვიცე-პრეზიდენტი, ოლღა ახსანოვა აკეთებს:
“სამწუხაროდ, სანიკიძე ტრავმის შემდეგ ჯერ კიდევ ვერ გამოჯანმრთელდა. ის ვარჯიშს მხოლოდ მაისის ბოლოს-ივნისის დასაწყისში განაახლებს”, – ეს განცხადება „უნიკსის“ ვიცე-პრეზიდენტმა  Р-Спорт-თან გააკეთა.
სანიკიძემ მხრის ორთავა კუნთის მყესი იანვრის ბოლოს გაიწყვიტა და ქირურგიული ჩარევა დასჭირდა. ოპერაციამ კარგად ჩაიარა, თუმცა სარეაბილიტაციო პროცესი ვერ წავიდა დაგეგმილის შესაბამისად. იმედია, სანიკიძე ეროვნული ნაკრების შეკრებას სრულ მზადყოფნაში შეხვდება.