ფაჩულიამ ნიუ იორკში ტრავმის გამო ვერ ითამაშა

„მილუოკი ბაქსი“ დღეს, გამთენიისას „მედისონ სკვერ გარდენში“ „ნიუ იორკს“ ეთამაშა, ზაზა ფაჩულიას კი ტრავმის გამო განაცხადში არ იყო. მილუოკელთა ქართველ ცენტრს ფეხის მყესი აქვს ნატკენი და ექიმების რეკომენდაციით მწვრთნელმა ის დაასვენა.
რაც შეეხება მატჩს, მილუოკელებმა მასპინძლებს სანსი არ დაუტოვეს და 120:107 სძლიეს. საუკეთესო ოჯეი მაიო გახლდათ 24 ქულით, გიანის ანტეტოკოუმპომ და ჯარედ დადლიმ კი 14-14 ქულა მიითვალეს. არ უთამაშია მილუოკელთა ცენტრ ლარი სანდერსს, რომელიც ავადაა, ხლო სასტარტოში ცენტრის პოზიციაზე მყოფმა ჯონ ჰენსონმა 27 წუთში 11 ქულა და 10 მოხსნა მიითვალა.
22 ოქტომბერს მორიგ საგამოფენო მატჩში „მილუოკი“ „მინესოტას“ უმასპინძლებს.