ფაჩულიას “ფილადელფიასთან” მოგებულ მატჩში ორმაგ დუბლამდე 1 ქულა დააკლდა

ზაზა ფაჩულიას „დალასმა“ „ფილადელფია“ 129:103 გაანადგურა, ქართველ ცენტრს კი ორმაგ დუბლამდე 1 ქულა დააკლდა.
ფაჩულია სავარაუდოდ შეასრულებდა კიდეც ორმაგ დუბლს, თუმცა მწვრთნელმა ის მხოლოდ 19 წუთით ადთამაშა. ქართველი ცენტრი სასტარტო ხუთეულში იყო, მაგრამ თამაში დაძაბული არ გამოდგა და მწვრთნელმაც ზაზა აღარ დატვირთა.

ფაჩულიამ 5-დან 2 ორქულიანი და 5-დან 5 საჯარიმო ჩააგდო, 9 ქულა მიითვალა და ამას 10 მოხსნა, 1 პასი და 1 ჩაჭრა მოაყოლა. დალასელთაგან 21 ქულით ბომბარდირი ვესლი მეთიუზი გახლდათ, დირკ ნოვიცნიმ კი შეხვედრა 18 ქულით დაასრულა.
„დალასმა“ ბოლო 7 მატჩიდან მხოლოდ მეორე შეხვედრა მოიგო, თუმცა დასავლეთ კონფერენციაში მე-6 ადგილს კვლავ ინარჩუნებს. ფაჩულიას გუნდს 30 მოგება და 27 მარცხი აქვს, მომდევნო შეხვედრას კი 25 თებერვალს შინ „ოკლაჰომასთან გამართავს.