ფაჩულიას ტრავმა სერიოზული არ აღმოჩნდა, თუმცა შაბათს მისი თამაში სათუოა

ზაზა ფაჩულიას ტრავმა სერიოზული არ აღმოჩნდა. ეს არ ნიშნავს იმას, რომ, ქართელი ცენტრი ნბა-ს დასავლეთ კონფერენციის ფინალური სერიის მომავალ, შაბათს დაგეგმილ მატჩში ითამაშებს, თუმცა MRI-ის დიაგნოსტიკამ ქართელის ქუსლის ტრავმაში სერიოზული ვერაფერი აღმოაჩინა.
ზაზამ ქუსლი “სან ანტონიოსთან” სერიის მეორე მატჩის მსვლელობისას იტკინა, რის გამოც მოედანზე მხოლოდ 6 წუთი გაატარა და თავისიანებს 4 ქულით, მოხსნით და 2 შედეგიანი გადაცემით შეეშველა.“გოლდენ სტეიტ უორიორზისა” და “სან ანტონიო სპერზის” დასავლეთ კონფერენციის ფინალურ სერიაში ანგარიში 2:0-ია კალიფორნიელთა სასარგებლოდ. მესამე შეხვედრა 21 მაისს ტეხასის შტატში ჩატარდება. მომავალ მატჩში საეჭვოა როგორც ზაზა ფაჩულიას, ასევე სან ანტონიოელთა ლიდერის კავაი ლეონარდის თამაშიც.