ზაზა ფაჩულიას „დალასი“ „ნიუ ორლეან პელიკანსთან“ დამარცხდა. მიუხედავად იმისა, რომ ნიუორეალენელებს თამაშის მსვლელობისას ტრავმის გამო სუპერვარსკვლავი ენტონი დევისი გამოაკლდათ, მაინც იოლად იმარჯვეს – 120:105. თანაც, სეზონის 6 წაგებით დაწყების შემდეგ ეს პირველი გამარჯვება იყო „პელიკანებისთვის“.
ქართველი ცენტრი, ტრადიციულად, სასტარტო ხუთეულში იყო და მოედანზე 21 წუთი გაატარა. ზაზამ 6-დან 3 ორქულიანი და 6-დან ექვსივე საჯარიმო ჩააგდო და მოგროვებულ 12 ქულას 5 მოხსნა, 2 ჩაჭრა და 1 პასი მოაყოლა, ბურთი კი არ დაუკარგავს. დალასელთაგან 15 ქულით და 9 მოხსნით საუკეთესო შედეგი ჩარლი ვილანუევამ დააფიქსირა, დირკ ნოვიცკის ანგარიშზე კი 18 ქულა და 4 მოხსნა დაგროვდა.
3 მოგებითა და 4 წაგებით „დალასი“ დასავლეთ კონფერენციაში 9-11 ადგილებს იყოფს. ფაჩულიას გუნდის მორიგი მეტოქე მრესხანე „ლოს ანჯელეს კლიპერსი“ იქნება. შეხვედრა დალასში 12 ნოემბერის გამთენიისას (ჩვენი დროით) გაიმართება.
ფაჩულია ბურთით, ენტონი დევისი – ფიცარნაგზე
