ქართველი 18–წლამდელები ფინეთში ადგილობრივ ნაკრებთან დამარცხდნენ

საქართველოს 18–წლამდელთა ნაკრების მარცხი ჰელსინკში. არჩილ ჟღენტის, გიორგი ნიკოლაძის და დიმიტრი ჟაკობოვის გაწვრთნილმა გუნდმა ფინელ თანატოლებთან ვერაფერი გააწყო და დიდი სხვაობით – 40:99 დამარცხდა.
ქართელებმა შედარებით კარგად ჩაატარეს მეორე მეოთხედი, რომელიც 12:14 დათმეს, დანარჩენ პერიოდებში კი არაფერი გამოუვიდათ და უიმედო მარცხი იწვნიეს. ქართველები ფინეთში კიდევ 1 საკონტროლო მატჩს გამართავენ და 20 ივლისს ბულგარეთში გაემგზავრებიან. 21–შ საქართველოს ნაკრები ბულგარელებს გაეჯიბრება და 24 ივლისიდან ევროპის ჩემპიონატის „ბ“ დივიზიონში ჩაებმება. არჩილ ჟღენტის გუნდი D ჯგუფშია ავსტრიასთან, ესტონეთთან, ისლანდიასთან, გერმანიასა და ისრაელთან.
 
 
 
 
ამხანაგური მატჩი. ჰელსინკი. 18 ივლისი
ფინეთი 99:40 საქართველო
 
38:13, 14:12, 23:10, 24:5