რიკი ჰიკმანის “მაკაბი” ისრაელის ჩემპიონატის ფინაურ სერიაში დაწინაურდა

ქართული პასპორტის მქონე რიკი ჰიკმანის “მაკაბიმ” ისრაელის ჩემპიონატის ფინალური სერია გამარჯვებით დაიწყო. თელავიველებმა ჰაიფაში, თავის მოსახელე “მაკაბის” დაძაბულ ბრძოლაში – 81:77 მოუგეს და მოედნის უპირატესობა მოიპოვეს.
ჰიკმანი სასტარტო ხუთეული იყო და ტაირის რაისის შემდეგ თავისიანთაგან ყველაზე შედეგიანი გახლდათ. საქართველოს ეროვნული ნაკრების წევრმა 26 წუთში 14 ქულა და 4 მოხსნა მიითვალა, ბურთი კი ერთჯერ დაკარგა. ჰიკმანმა 5-დან 2 ორქულიანი, 5-დან 2 სამიანი და 6-დან 4 საჯარიმო ჩააგდო. რაისმა 30 წუთში 30 ქულა მიითვალა.
ფინალური სერიის მომდევნო მატჩი 11 ივნისს, თელ ავივში გაიმართება.