სანაძემ “პრიმორსკას” “პოდჩეტრტეკთან” მოგებულ მატჩში ულიდერა

სლოვენიის უმაღლესი ლიგის ბომბარდირი დუდა სანაძე შედეგიან თამაშს განაგრძობს. „პრიმორსკას“ ქართველმა ლეგიონერმა ამჯერად 18 ქულა მიითვალა და თავის გუნდს „პოდჩეტრტეკთან“ 92:72 მოგებულ მატჩში ულიდერა.

სანაძე სასტარტი ხუთეულში არ ყოფილა, თუმცა მოედანზე 28 წუთით გამოჩნდა და ბომბარდირიც გახდა. დუდამ 6-დან 2 ორქულიანი, 6-დან 3 სამიანი და 6-დან 5 საჯარიმო ჩააგდო. 18 ქულასთან ერთად ქართველმა უკანახაზელმა 4 მოხსნა და 2 პასი მიითვალა, ბურთი კი 4-ჯერ დაკარგა. სანაძის კვალზე გამარჯვებულთაგან 13 ქულა ჰქონდა იან კოსის.
„პრიმორსკას“ 6 მოგების წილ 4 მარცხი აქვს და 12-გუნდიან სლოვენიის ჩემპიონატში მე-7 ადგილზეა. 21 დეკემბერს პრიმორსკელები „კასტინგს“ უმასპინძლებენ. სანაძე მატჩში საშუალოდ 19 ქულით სლოვენიის ჩემპიონატის საუკეთესო ბომბარდირია. ა