სანაძის 7 ქულა და ბრძოლაში წაგებული მატჩი

დუდა სანაძე სასტარტო ხუთეულს კი დაუბრუნდა, მაგრამ მისი გუნდი აგებს. სტუდენტური ლიგის მორიგ მატჩში ქართველი უკანახაზელის გუნდი „სან დიეგო“ საკუთარ არენაზე „პასიფიკს“ შეხვდა და მატჩი დაზაბულ ბრძოლაში – 57:59 დათმო.
სანაძე სასტარტო ხუთეულში იყო და მოედანზე გატარებულ 26 წუთში 7 ქულა, 6 მოხსნა, 1 პასი და 1 ჩაჭრა მიითვალა. დუდამ 2-დან 1 სამქულიანი და 6-დან 4 საჯარიმო ჩააგდო, 2 ორიანი კი ააცილა. საუკეთესო ტრადიციულად ჯონი დი გახდა, რომელმაც 29 წუთში 20 ქულა მიითვალა.
2 მოგებითა და 6 მარცხით „სან დიეგო“ „ვესტ ქოუსთის“ კონფერენციაში ბოლოსწინა, მე-9 ადგილზეა. მორიგი მატჩი კალიფორნიელებს 24 იანვარს, კვლავ შინ BYU-სთან ელის.