მამუკელაშვილის “სეტონ ჰოლმა” “მანჰეტენი” დაამარცხა

სანდრო მამუკელაშვილის “სეტონ ჰოლმა პირატსმა” ამერიკის სტუდენტურ ლიგაში მორიგი მატჩი მოიგო. მეკობრეებმა “მანჰეტენ იასპერსს” უმასპინძლეს და 74:62 დაამარცხეს. 

ქართველი ფორვარდი სათადარიგო იყო და მოედანზე 20 წუთით გამოჩნდა. სანდრომ 3-დან 1 ორქულიანი ჩააგდო და შეხვედრა 2 ქულით, 4 მოხსნით, 1 პასით და 1 ჩაჭრით დაასრულა. 

“სეტონ ჰოლმა” არასაკონფერენციო მატჩები დაასრულა და 13 შეხვედრიდან 11 მოიგო. მომდევნო მატჩი უკვე “ბიგ ისთის” კონფერენციის ჩემპიონატის იქნება. მეკობრეების ოპონენტი “კრეიტონი” გახლავთ, რომელსაც 1არასაკონფერენციო მატჩებში 10 მოგება და 2 მარცხი აქვს. ორივე ეს გუნდი რეიტინგების მოწინავე 25-ეულშია. “სეტონ ჰოლი” “კრეიტონს” 29 დეკემბერს უმასპინძლებს.