სანიკიძის 16 ქულა, 9 მოხსნა და ბრძოლაში წაგებული მატჩი

ვიქტორ სანიკიძე თურქეთის ჩემპიონატის მორიგ ტურში შედეგიანად გაისარჯა, თუმცა მისი გუნდი გამარჯვებას ვერ შეწვდა. სუპერლიგის მორიგ ტურში სანიკიძის „თედ კოლეჯი“ სტუმრად „უშაკს“ შეხვდა და დაძაბულ ბრძოლაში – 67:74 დამარცხდა.
სანიკიძე თავის გუნდში საუკეთესო იყო. ქართველმა ფორვარდმა 34:47 წუთი ითამაშა და 16 ქულა, 9 მოხსნა, 4 პასი და 1 ჩაჭრა მოაგრვა. ვიქტორმა 9-დან 6 ორქულიანი, 3-დან 1 სამიანი და 3-დან 1 საჯარიმო ჩააგდო. როგორც ქულებში, ისე მოხსნებში სანიკიძე თავის გუნდში საუკეთესო იყო.
7 მოგებითა და 10 მარცხით „თედ კოლეჯი“ 16-გუნდიან თურქულ სუპერლიგაში მე-11 ადგილზეა. მომდევნო მატჩს ანკარელები 13 თებერვალს, სტუმრად „იეშილგირესუნთან“ გამართავს.