საქართველოს 16-წლამდელთა ნაკრები ევროპის ჩემპიონატზე ჯგუფიდან გავიდა. ბოსნიის დედაქალაქ სარაევოში მიმდინარე B დივიზიონში გია კაზანჯიანის გუნდმა ავსტრიას 81:65 მოუგო და ჯგუფში მეორე ადგილი დაიკავა. ტურნირის 2 წაგებით დაწყების შემდეგ ქართველები არ გატყდნენ, ჯგუფში დარჩენილი სამივე მატჩი მოიგეს და ჯგუფიდან გააღწიეს. ამით, კაზანჯიანის გაწვრთნილმა გუნდმა ტურნირის 8 საუკეთესო გუნდში ადგილი გაინაღდა.
ბოლო ტურის წინ საქართველო მხოლოდ საკუთარ თავზე იყო დამოკიდებული. მოუგებდა ავსტრიას მინიმუმ 5 ქულით, ჯგუფიდან გადიოდა, ვერა და, მეორე ეტაპზე ავსტრია გადიოდა. საქართველოს ნაკრებმა მძიმედ დაიწყო და პირველი მეოთხედი 6 ქულით წააგო, დიდი შესვენებისთვის კი 7 ქულით ჩამორჩებოდა – 33:40.
მეორე ტაიმში მოედანზე სულ სხვა საქართველოს ნაკრები გავიდა. მიუხედავად იმისა, რომ ქართველები ბევრ საჯარიმოებს აცილებდნენ (37-დან 20 ჩააგდეს), სროლები და რაც მთავარია, სწრაფი გარღვევევი წაუვიდათ და მესამე მეოთხედის 25:11 მოგების შემდეგ 7-ქულიანი ჩამორჩენა 7-ქულიანი ლიდერობით შეცვალეს.
ბოლო პერიოდში ქართველებმა მოპოვებული უპირატესობა არათუ დათმეს, არამედ განიმტკიცეს და საბოლოოდ ავსტრიელებს 16 ქულით – 81:65 მოუგეს, რითაც ჯგუფში მეორე ადგილი გაინაღდეს. ვინც მოედანზე იყო, გამარჯვებაში ყველამ დიდი წვლილი შეიტანა, თუმცა გამოსარჩევია ლევან გოგოალაძის და ვიტალი ცქიფურიშვილის სიზუსტე. ამ ბიჭებმა საბოლოო ჯამში 19-19 ქულა დააგროვეს. გოგალაძემ ბოლო 2 წუთში 6 საჯარიმო ჩააგდო, ხოლო ცქიფურიშვილმა ბოლო პერიოდში 4-დან 4 ორქულიანი მიითვალა. ქუთაისელმა უკანახაზელმა, რომელსაც დღეს დაბადების დღე აქვს, საბოლოოდ 9-დან 8 ორქულიანი ჩააგდო.
საქართველოს ნაკრები პირველადგილოსან ჩეხეთთან ერთად მომდევნო ეტაპზე გავიდა, სადაც 4-გუნდიან – F ჯგუფში მოხვდა. ეს ორი გუნდი ერთმანეთს აღარ შეხვდება და პირველ ჯგუფურ ეტაპზე დაფიქსირებული შედეგი გადაყვებათ. ანუ ჩეხეთი მეორე ჯგუფურ ეტაპს 1 გამარჯვებით, საქართველო კი 1 მარცხით დაიწყებს. შეგახსენებთ, რომ ჩეხეთმა ქართველებს 8 აგვისტოს 52:51 მოუგო.
F ჯგუფში მოხვდნენ ბოსნია და ისრაელი, რომლებმაც პირველი ეტაპი C ჯგუფში 1-2 ადგილებზე დაასრულეს. როგორც ჩეხეთმა საქართველოს, პირველ ეტაპზე ბოსნიამაც 1 ქულით დაამარცხა დანია და F ჯგუფში ეს შედეგიც იქნება გათვალისწინებული. ანუ ოთხივე გუნდი 2-2 მატჩს ჩაატარებს და ჯგუფში საბოლოოდ 1-2 ადგილებზე გასული გუნდები ნახევარფინალში გავლენ.
ევროპის ჩემპიონატი. B დივიზიონი. ბოსნია. სარაევო. 12 აგვისტო
ავსტირა 65:81 საქართველო
21:15, 19:18, 11:25, 14:23
სრული სტატისტიკა: 65:81
D ჯგუფი (საბოლოო ცხრილი)
1.
ჩეხეთი
5
5/0
376/259
10
2.
საქართველო
5
3/2
348/285
8
3.
ავსტრია
5
3/2
312/316
8
4.
უნგრეთი
5
2/3
348/332
7
5.
ლუქსემბურგი
5
1/4
231/372
6
6.
ბელარუსი
5
1/4
310/361
6
C ჯგუფი (საბოლოო ცხრილი)
1.
ბოსნია
4
4/0
262/230
8
2.
დანია
4
2/2
290/259
6
3.
ჰოლანდია
4
2/2
247/229
6
4.
ისრაელი
4
2/2
288/266
6
5.
სლოვაკეთი
4
0/4
210/313
4
მეოთხედფინალური ეტაპი
E ჯგუფი
1.
ფინეთი
1
1/0
77/59
2
2.
სლოვენია
1
1/0
72/70
2
3.
ინგლისი
1
0/1
70/72
1
4.
მაკედონია
1
0/1
59/77
1
F ჯგუფი
14 აგვისტო
ბოსნია – საქართველო 20:30
ჩეხეთი – დანია 22:30
15 აგვისტო
ჩეხეთი – ბოსნია 20:30
საქართველო – დანია 22:30
