საქართველოს 16-წლამდელთა ნაკრებმა ლატვიაში მორიგი კლუბი გაანადგურა

ლატვიაში  შეკრებაზე მყოფმა საქართველოს 16-წლამდელთა ნაკრებმა მორიგი სპარინგი მატჩი გამართა და კვლავ იმარჯვა. ნიკოლოზ ჩერქეზიშივილის გაწვრთნილმა ნაკრებმა 2 წლის უფროსი მოთამაშეებით დაკომპლექტებული ლატვიური კლუბი „ტალსი“ გაანადგურა – 83:46.
საქართველოს ნაკრებში 22 ქულითა და 18 მოხსნით საუკეთესო გახდა გოგა ბითაძე. 19 ქულა მიითვალა ზაურ ჯანელიძემ. ქართველებმა ყველა მეოთხედი მოიგეს და საბოლოოდ 37 ქულის სხვაობით იმარჯვეს.
საქართველოს ნაკრები ლატვიაში კიდევ 2 სპარინგ-მატჩს გამართავენ და 13 აპრილს გეზს რუმინეთისკენ აიღებენ, სადაც საერთაშორისო ტურნირში მიიღებენ მონაწილეობას.
ამხანაგური მატჩი. კანდავა. ლატვია. 8 აპრილი
საქართველო U16 – ტალსი   83:46
სრული სტატისტიკა: 83:46