საქართველოს 16-წლამდელთა ნაკრებმა ლუქსემბურგი გაანადგურა (VIDEO)

საქართველოს16-წლამდელთა ნაკრებმა ევროპის ჩემპიონატის B დივიზიონში მორიგი, იოლი გამარჯვება მოიპოვა. ბუბა ბერიშვილისა და თემურ კანკიას გაწვრთნილმა გუნდმა ლუქსემბურგი 77:38 გაანადგურა და ჯგუფიდან გასასვლელად ხვალ კოსოვოს დამარცხება აკლია.
ჩვენს ნაკრებს წაგება აქვს დიდ ბრიტანეთთან და სავარაუდოდ, პლეი ოფში ჯგუფის მე-2 ადგილიდან გავა. ასეთ შემთხვევაში, ჩვენი ნაკრების მეტოქე მეოთხედფინალში ჩეხეთის ნაკრები იქნება, რომელიც თავის, C ჯგუფში დაუმარცხებელია
ლუქსემბურგთან მატჩში 14 ქულით ბომბარდირი გახდა რატი ანდრონიკაშვილი. 13 ქულა და 9 მოხსნა მიითვალა ალექსი მერკვილაძემ. 12 ქულა და 6 მოხსნა გიორგი ჭეიშვილის ანგარიშზე დაგროვდა.
საქართველოს ნაკრები ჯგუფური ეტაპის ბოლო მატჩს კოსოვოსთან 15 აგვისტოს, თბილისის დროით 17:00 საათზე გამართავს. 
საქართველო – ლუქსემბურგი 77:38 (სტატისტიკა)