საქართველოს 18-წლამდელთა ნაკრებმა ევროპის ჩემპიონატზე პირველი გამარჯვება მოიპოვა

საქართველოს 18-წლამდელთა ნაკრებმა ევროპის ჩემპიონატის B დივიიონში პირველი გამარჯვება მოიპოვა. არჩილ ჟღენტის გაწვრთნილმა გუნდმა ჯგუფურ ეტაპზე 5 შეხვედრა დათმო და ბრძოლა 17-24 ადგილებისთვის გააგრძელა.
 საკვალიფიკაციო ეტაპზე ჩვენი ნაკრების მეტოქე გახლდათ ლუქსემბურგი, რომელსაც ქართველებმა დამაჯერებლად – 62:44 მოუგეს და თავიდან აირიდეს B დივიზიონის ბოლო ადგილებზე გასვლა.

 საქართველოს ნაკრებში 12 ქულით ნიკა მეცხვარიშვილი გამოირჩა. 10 ქულა ჰქონდა ოთარ პერტაიას, ხოლო კახა ჟღენტმა და ლუკა კალატოზიშვილმა თავი 9-9 ქულას მოუყარეს.
 საქართველს ნაკრები, რომელიც მე-17 ადგილისთვის ბრძოლას აგრძელებს, მომდევნო მატჩს 5 აგვისტოს, 19:15 საათზე გამართავს.
ლუქსემბურგი – საქართველო 44:62 (სტატისტიკა)