საქართველოს ჭაბუკთა ნაკრები, რომელიც უკრაინაში საკონტროლო მატჩების გასამართად იმყოფება, კვირა საღამოს პირველი შეხვედრა ჩაატარა. ქართველმა 18–წლამდელებმა მასპინძელ თანატოლებს ღირსეული ბრძოლა გაუმართეს, ბოლო მეოთხედში ჩამორჩნა 4 ქულამდეც შეამცირეს, თუმცა უკრაინელებმა გადამწყვეტი წუთები უკეთ ჩაატარეს და 75:62 გაიმარჯვეს.
პირველი მეოთხედი მასპინძლებმა 25:9 მოიგეს, მეორე ათწუთეული კი ქართველების იყო – 15:8. შემდეგ თამაში გათანაბრდა და უკრაინელები დაახლოებით 10–ქულიან უპირატესობას ინარჩუნებდნენ. ბოლო მეოთხედში მიხეილ ბერუაშვილის გუნდი გააქტიურდა, ირაკლი მიქელაძის, ლერი კვანტალიანის და სხვათა აქტიურობით ჩვენებმა ჩამორჩენა 4 ქულამდე შეამცირეს. გადამწყვეტ წუთებში ქართველებს ძალა აღარ ეყოთ და უკრაინელებმა გამარჯვებას მიაღწიეს.
მომდევნო მატჩს უკრაინელ თანატოლებთნ ქართველები დღეს გამართავენ
უკრაინა 75:62 საქართველო
25:9, 8:15, 23:21, 19:17
საქართველო: მიქელაძე (13 ქულა, 4 ჩაჭრა), კვანტალიანი (8), ჯიშიაშვილი (8), ლოლიშვილი (7), რამიშვილი (7)
