შენგელიამ მილანური მატჩიც გამოტოვა, “ბასკონიამ” კი ისევ წააგო

კოჭის ტრავმის გმო თორნიკე შენგელიამ მეორე მატჩი გამოტოვა. „ბასკონიას“ ქართველმა ფორვარდმა ამჯერად ევროლიგის მატჩში, „ემპორიო არმანისთან“ დაისვენა, მისმა გუნდმა კი უშანსოდ წააგო.

„ბასკონია“ უცნაური გუნდია. სტუმრად მადრიდის „რეალი“ დაამარცხა, თუმცა კაუნასში „ჟალგირისთან“, ახლა კი მილანში „ემპორიო არმანისთან“ წააგო. ვიტორიელებს ამერიკელმა შეინ ლარკინმა 21 ქულით და 9 პასით ულიდერა, თუმცა იტალიურმა კლუბმა დამაჯერებელი გამარჯვება მოიპოვა – 88:76.
“ბასკონიას” 4 მოგება და 3 მარცხი მოუგროვდა და სატურნირო ცხრილში მე-6 ადგილზე იმყოფება, მომდევნო მატჩს კი უკვე 17 ნოემბერს, შინ, გერმანული “ბროზე ბასკეტის” წინააღმდეგ ჩაატარებს. წინასწარი ინფორმაციით, შესაძლოა, ამ თამაშისთვის გუნდს უკვე შენგელიაც დაუბრუნდეს.