შერმადინის 10 ქულა და 7 მოხსნა 22 წუთში

წარმატებული მატჩი ჩაატარა გიორგი შერმადინმა იტალიის უმაღლეს დივიზიონში. ქართველი ცენტრი თავის გუნდ „კანტუს“ „დ’ორლანდოს“ დამარცხებაში დაეხმარა. კანტუელებმა მეტოქე ზედმეტი გართულების გარეშე – 93:67 გაანადგურეს.
შერმადინმა სასტარტო ხუთეულში ითამაშა და მოედანზე გატარებულ 22 წუთში 10 ქულა, 7 მოხსნა და 1 პასი მოაგროვა. ქართველმა ცენტრმა მეტოქის ფარს 6-ჯერ შეუტია, საიდანაც 5 სროლა ჩააგდო. გამარჯვებულთაგან საუკეთესო მეტა უორლდ ფისი გახლდათ, რომელმაც 18 წუთში 19 ქულა ჩააგდო.
11 მოგებითა და 13 მარცხით შერმადინის გუნდი ცხრილი მე-11 ადგილზეა, მიზნად კი საპლეიოფო ზონაში შესვლა აქვს დასახული, სადაც 8 საუკეთესო გუნდი გადის. მომდევნო მატჩს „კანტუ“ 12 აპრილს, სტუმრად ვენეციაში ჩაატარებს.