ვიქტორ სანიკიძის „უნიკსი“ ევროთასის გათამაშების მეოთხედფინალში გავიდა. ქართველი ლეგიონერის არყოფნაში, რომელიც ნაოპერაციევ მხარს იშუშებს, ყაზანურმა გუნდმა გიორგი შერმადინის „კანტუს“ მოუგო. დღეს გამართულ მერვედფინალური სერიის მეორე მატჩში რუსუკმა კლუბმა იტალიურს 75:72 მოუგო და ორი შეხვედრის ჯამში 145:136 იმარჯვა.
პირველი მატჩი, რომელიც 1 კვირის წინ იტალიაში გაიმართა, ყაზანელებმა 70:64 მოიგეს და ნახევარფინალისკენ მორდილი ნაბიჯი გადადგეს. კანტუელებმა საპასუხო მატჩში ღირსეულად იბრზოლეს, თუმცა მარხის თავიდან აცილება ვერ შეძლეს.
იტალიურ გუნდში ერთ-ერთი საუკეთესო ქართველი ცენტრი გახლდათ. შერმადინი სათადარიგო იყო და მოედანზე გატარებულ 14:35 წუთში 11 ქულა, 2 მოხსნა და 1 პასი დააგროვა. გიორგიმ 5-დან 3 ორქულიანი და 6-დან 5 საჯარიმო ჩააგო. კანტუელთაგან შერმადინზე მეტი ივან ბუვამ (17 ქულა) და ჯეიმს ფელდეინმა (15) მოაგროვეს.
„უნიკსი“ მეოთხედფინალში კრასნოდარის „ლოკომოტივ-ყუბანს“ შეხვდება. სერია კვლავ ორმატჩიანი იქნება და შეხვედრები 17 და 24 მარტს გაიმართება.
