შერმადინის 4 ქულა და 3 მოხსნა 14 წუთში

გიორგი შერმადინის “ოლიმპიაკოსი” საბერძნეთის ჩემპიონატის ნახევარფინალისკენ მიიწევს. პირეოსელებმა მეოთხედფინალური სერიის მეორე შეხვედრაც იოლად – 84:58 მოუგეს “პანიონიოსს” საერთო ანგარიშით – 2:0 დაწინაურდნენ.
შერმადინმა 14 წუთი ითამაშა და 1-დან 1 ორქულიანს 2 ზუსტი საჯარიმო მოაყოლა. ქართველმა ცენტრმა მთლიანობაში 4 ქულა და 3 მოხსნა მიითვალა, ბურთი კი ერთხელ დაკარგა.
მეტოქის სისუსტისგან გამომდინარე, “ოლიმპიაკოსის” მწვრთნელმა ყველა თავისიანი ათამაშა და არცერთ მათგანს მოედანზე 22 წუთზე მეტი არ გაუტარებია. მათ შორის საუკეთესო სტრატოს პერპეროღლუ გახდა, რომელმაც 16  ქულა დააგროვა.
სერია 3 გამარჯვებამდეა და მომდევნო მატჩი პანიონიოსელთა მოედანზე, 19 მაისს გაიმართება.