შერმადინის გამარჯვება, 13 ქულა და 8 მოხსნა “გიპუზკოა ბასკეტთან”

ესპანეთის ჩემპიონატის მე-9 ტურში გიორგი შერმადინის „ანდორა მორაბანკმა“ გამარჯვება მოიპოვა, რაშიც ქართველი ცენტრის წვლილი მნიშვნელოვანია. ანდორელებმა „გიპუზკოა ბასკეტს“ უმასპინძეს და 88:70 სძლიეს.
შერმადინი სასტარტო ხუთეულში არ ყოფილა. ქართველმა ცენტრმა 17 წუთი ითამაშა და ალბათ მეტ ხანსაც დარჩებოდა მოედანზე, 5 პერსონალურის გამო სათადარიგოებში არ გადაენაცვლა. შერმადინმა 7-დან 4 ორქულიანი და 6-დან 4 საჯარიმო ჩააგდო, რამაც 12 ქულა შეადგინა. ამასთან ერთად გიორგიმ 8 მოხსნა და 1 ჩაჭრა მიითვალა, ბურთი კი 2-ჯერ დაკარგა.
4 მოგებითა და 5 წაგებით „ანდორა“ ესპანეთის უმაღლეს ლიგაში X-XII ადგილებს იყოფს. მე-10 ტურში შერმადინის გუნდი სტუმრად, 13 დეკემბერს, „ესტუდიანტესთან“ ითამაშებს.