ესპანეთის სამეფო თასის ნახევარფინალში გიორგი შერმადინის “უნიკახა” მეოთხედფინალში მადრიდის “რეალთან” დამარცხდა. მინიტურნირს კანარის კუნძულები მასპინძლობს და მასში ესპანეთის ჩემპიონატის მიმდინარე ცხრილის საუკეთესო 8 გუნდი მონაწილეობს.
15 თბერვალს 2 ნახევარფინალი ჩატარდა. “ტენერიფემ” “ვალენსიას” 79:72 სძლია, ხოლო “რეალმა” “უნიკახას” 89:84 მოუგო. გიორგი შერმადინი სათადარიგო გახლდათ, თუმცა მალაგელთა გუნდში ყველაზე მეტი სათამაშო დრო დაეთმო. ქართველმა ცენტრმა 27:47 წუთი ითამაშა და 7-დან 1 ორქულიანი და 4-დან 3 საჯარიმო ჩააგდო. შერმადინის ანგარიშზე ჯამში 5 ქულა, 7 მოხსნა და 2 პასი დაგოვდა. გიორგიმ ბურთი 2-ჯერ დაკარგა, 2-ჯერ დაუფარეს, 1 პერსონალური ფოლი მიიღო, მის წინააღმდეგ კი 5-ჯერ დაჯარიმდნენ.
დღეს კიდევ 2 ნახევარფინალი გაიმართბა. თორნიკე შენგელიას “ბასკონია” “ბარსელონას” დაუპირისპირდება, ხოლო მასპინძელი “გრან კანარია” “ფუენლაბრადას” შეხვდება.
