საპლეიოფო წარმატებებს მიაღწიეს გიორგი შერმადინის „ოლიმპიაკოსმა“ და ნიკა ცქიტიშვილის „ჩემპვილმა“, მაგრამ არც საბერძნეთის ჩემპიონატში და არც ლიბანში, ქართველ კალათბურთელებს არ უთამაშიათ. შერმადინს კუნთის ტრავმა აწუხებს და მეორე თამაშია, მოედანზე არ გამოჩენილა, ცქიტიშვილი კი ოთხთა ფინალის განაცხადში არ შეიყვანეს – „ჩემპვილის“ ხელმძღვანელობას ლიმიტირებულ 2 ლეგიონერში არჩევანი ქართველ ფორვარდზე არ გაუკეთებია.
„ოლიმპიაკოსმა“ „აპოლონ პატრასი“ მეორედაც, ამჯერად სტუმრად – 83:73 დაამარცხა და მეოთხედფინალური სერია 2:0 მოიგო. ნახევარფინალურ სერიაში, რომელიც 3 გამარჯვებამდე გაგრძელდება, პირეოსული გრანდი „აგორს“ შეხვდება.
ლიბანის ჩემპიონატის ნახევარფინალური სერია მოგებით გახსნა „ჩემპვილმა“, რომლის საოთხთაფინალო განაცხადშიც არ ირიცხება ცქიტიშვილი. ჩემპვილელებმა სტუმრად 85:81 მოუგეს რეგულარული ჩემპიონატის გამარჯვებულ „რიადს“ და სერიაში, რომელიც 3 მოგებამდე გრძელდება, 1:0 დაწინაურდნენ. მომდევნო მატჩი 26 მაისს ჩემპვილელთა მოედანზე გაიმართბა. მარიშტერელთა ახალშემატებულმა ამერიკელმა ლეგიონერმა ჯერემი მესიმ 31 ქულა დააგროვა, ნიგერიელმა ჯელილ აკინდელემ კი თავი 4-4 ქულა-მოხსნას მოუყარა.
