შერმადინმა ყოფილ გუნდს 17 ქულა ჩაუგდო

გიორგი შერმადინმა ესპანეთის უმაღლეს ლიგაში გამორჩეული მატჩი ჩაატარა. ქართველმა ცენტრმა ეს თავის ყოფილ გუნდ „სარაგოსასთან“ მოახერხა. გიორგის ამჟამინელი გუნდი „ანდორა“ სარაგოსელებს შეხვდა და 80:73 იმარჯვა.
შერმადინი სასტარტო ხუთეულში იყო და მოედანზე გატარებულ 23 წუთში 17 ქულა, 7 მოხნსა და 2 დაფარება მიითვალა. ქართველმა ცენტრმა 10-დან 7 ორქულიანი და 4-დან 3 საჯარიმო ჩააგდო. შერმადინი საერთო სარგებლიანობით მოედანზე მყოფთაგან მხოლოდ თანაგუნდელ ლუკა ბოგდანოვიჩს ჩამორჩა, რომელმაც 35 წუთში 19 ქულა, 7 მოხსნა და 4 პასი მოაგროვა.
შერმადინის გუნდს 2 მოგება და 4 მარცხი აქვს და ესპანურ ლიგაში მე-12 ადგილზე იმყოფება. მორიგი მატჩი ანდორელებს 22 ნოემბერს, შინ „უნიკახასთან“ ელით.