შერმადინმა საბერძნეთის ჩემპიონატის პლეი ოფში ითამაშა

გიორგი შერმადინი მოედანზე გამოჩნდა.”ოლიმპიაკოსის” ქართველი ცენტრი ტრავმის გამო უქმობდა და საბერძნეთის ჩემპიონატის პლეი ოფის მატჩში პირველად ითამაშა.
“ოლიმპიაკოსმა” ნახევარფინალური სერიის პირველ მატჩში “პანიონიოსი” 78:43 გაანადგურა და სერიაში, რომელიც 3 მოგებამდე გრძელდება, 1:0 დაწინაურდა.
შერმადინმა 14 წუთი ითამაშა და 5 ქულა, 2 მოხსნა და 1 დაფარება მოაგროვა. ქართველმა ცენტრმა 100-პროცენტიანი სიზუსტით ესროლა. 2-დან 2 ორქულიანი და 1-დან 1 საჯარიმო ჩააგდო.
სერიის მომდევნო მატჩი კვლავ პირეოსში, 15 მაისს გაიმართება.