შრმადინი საბერძნეთის თასის ფინალს მიუახლოვდა

საქართველოს ეროვნული ნაკრების წევრი გიორგი შერმადინი საბერძნეთის თასის ფინალთან ახლოსაა. მისმა “პანათინაიკოსმა” საბერძნეთის თასის ფინალისკენ ნახევარფინალის პირველ შეხვედრაში სტუმრად “ირაკლისს” 80:64 სძლია.
შერმადინმა მოედანზე 9,43 წუთი დაჰყო და 4-დან 1 ორქულიანი ჩააგდო, 2 საჯარიმო კი ააცილა. გიორგიმ 1 მოხსნა მიითვალა, ბურთი ერთხელ დაკარგა, ორჯერ დაჯარიმდა, ერთხელ კი მის წინააღმდეგ იუხეშეს. საბოლოოდ შერმადინი 2 ქულას დასჯერდა.
გამარჯვებულთა რიგებში საუკეთესო ამერიკელი მაიკ ბატისტე გახლდათ, რომელმაც 22 წუთში 17 ქულა მოაგროვა.
განმეორებითი მატჩი 20 იანვარს ათენში შედგება.
მეორე ნახევარფინალში პირეოსის “ოლიმპიაკოსმა” სალონიკის “არისი” 78:64 დაამარცხა.