სპორტის სასახლეში გასამართი შსს აკადემია – მაკაბი გადაიდო

სუპერლიგის მეორე წრის პირველი ტურის შეხვედრა ,,შსს აკადემიასა’’ და ,,მაკაბს’’ შორის, რომელიც დღეს, 14:00 საათზე უნდა გამართულიყო, გადაიდო. აღნიშნული შეხვედრა დღეს აღარ გაიმართება, რადგან თბილისის სპორტის სასახლეში ტრანსფორმატორი გადაიწვა და მისი აღდგენითი სამუშაოებისთვის გარკვეული დროა საჭირო.   
  ასევე არ ჩატარდება სპორტის სასახლეში გასამართი თბილისის 13-წლამდელთა ჩემპიონატის მატჩები.
 მეორე წრის პირველი ტურის კიდევ ერთი შეხვედრა კი 14:00 საათზე რუსთავში გაიმართება, სადაც ადგილობრივი გუნდი ,,არმიას’’ უმასპინძლებს, ხოლო შსს აკადემია – მაკაბის შეხვედრის თარიღი მოგვიანებით გახდება ცნობილი.